गभर्नर अधिकारी जेष्ठ ११, २०७८कान्तिपुर संवाददाता काठमाडौँ — कोभिड–१९ को दोस्रो लहरको संक्रमण बढिरहेकाले अनिश्चितता बढेको र यसले अर्थतन्त्र थप चुनौतीपूर्ण हुँदै गएको गभर्नर महाप्रसाद अधिकारीले बताएका छन् । एसियन क्लियरिङ युनियन सञ्चालक समितिको ४९औं बैठकका अवसरमा गभर्नर अधिकारीले यस्तो बताएका हुन । रिजर्व बैंक अफ इन्डिया (आरबीआई)ले उक्त भर्चुअल उक्त कार्यक्रम आयोजना गरेको हो । ‘कोभिडको अघिल्लो लहरबाट प्रभावित व्यापार, पर्यटन, यातायात, उत्पादन र निर्माण क्षेत्र विस्तारै पुनरुत्थानतर्फ उन्मुख हुँदै थिए । कोभिडको दोस्रो लहरका कारण मुलुकको समष्टिगत अर्थव्यवस्था फेरि अनिश्चितातर्फ धकेलिएको छ,’ उनले भने, ‘यद्यपि कोभिड प्रभावित अर्थतन्त्रको पुनरुत्थानका निम्ति थप प्रभावकारी नीतिगत व्यवस्था अवलम्बन गर्दै जाने कामलाई राष्ट्र बैंकले उच्च प्राथमिकतामा राखेको छ ।’ कोभिड–१९ बाट प्रभावित अर्थतन्त्र र वित्तीय क्षेत्रलाई लक्षित दिशातर्फ अग्रसर गराउन राष्ट्र बैंकले विभिन्न नीतिगत व्यवस्था गरेको गभर्नर अधिकारीले बताए । ‘कोभिड संक्रमण यताको अवधिमा तरलताको सहजीकरण, ब्याजदर कटौती, अतिरिक्त चालु पुँजी कर्जाको सुविधा, कर्जाको पुनर्संरचना/पुनर्तालिकीकरण, कर्जाको साँवा/ब्याज भुक्तानीको समयसीमा बढाउने जस्ता नीतिगत सहुलियत उपलब्ध गराइएको छ,’ उनले भने, ‘कोभिड–१९ बाट प्रभावित उद्योग, व्यवसाय, साना तथा मझौला उद्यमको उत्थानका निम्ति कर्जामा सहुलियत दिनेगरी पुनर्कर्जा सुविधालाई परिमार्जन गरिएको र पुनरकर्जा कोषको सीमा बढाएर पाँच गुणासम्म बनाइएको छ ।’ कोभिडबाट प्रभावित पर्यटनसँगै घरेलु, साना र मझौला व्यवसायमा जनशक्तिको तलब/ज्याला भुक्तानीका निम्ति सरकारको सहयोगमा छुट्टै ५० अर्ब रुपैयाँको कोष स्थापना भएको छ । विद्युतीय भुक्तानी प्रणालीलाई विस्तार गर्दै नगदरहित कारोबारलाई स्थापित गर्ने दिशातर्फ अग्रसर हुनुपर्नेमा गभर्नर अधिकारीको जोड छ । विद्युतीय भुक्तानीसम्बन्धी नीतिगत व्यवस्था र पूर्वाधार विकासका कारण बन्दाबन्दी र निषेधाज्ञाको असहज अवस्थामा मोबाइल बैंकिङ, इन्टरनेट बैंकिङ, क्यूआर कोड, कनेक्ट आइपीएसलगायतका विद्युतीय माध्यमबाट उत्साहजनक कारोबार भएको उनको दाबी छ । कार्यक्रममा युनियनमा आबद्ध केन्द्रीय बैंकका तर्फबाट आआफ्नो मुलुकको समष्टिगत आर्थिक तथा वित्तीय स्थितिसँगै कोभिड–१९ को असर न्यूनीकरण गर्न अवलम्बन गरिएका नीतिगत व्यवस्थासम्बन्धी विवरण प्रस्तुत गरिएको थियो । सो अवसरमा एसिया तथा प्यासिफिक क्षेत्रका लागि राष्ट्रसंघीय आर्थिक तथा सामाजिक आयोगका उपमहासचिव आर्मिदा सल्सिया अलिस्जबानाले कोभिड महामारीबाट प्रभावित अर्थतन्त्रलाई गतिशील तुल्याउन युनियनमा आबद्ध केन्द्रीय बैंकहरूबीच नीतिगत सहकार्य र समन्वय हुनुपर्ने सुझाव दिए । ४९औं सञ्चालक समितिको बैठकबाट एसियन क्लियरिङ युनियनको अध्यक्षता आरबीआईले पाएको छ । अर्को बैठक आयोजना नभएसम्मका निम्ति आरबीआईले युनियनको अध्यक्षता गर्नेछ । युनियनको ५०औं सञ्चालक समितिको बैठक सन् २०२२ जनवरीमा गर्ने निर्णय भएको छ । एसियन क्लियरिङ युनियनमा बङ्गलादेश, भुटान, भारत, इरान, माल्दिभ्स, म्यानमार, नेपाल, पाकिस्तान र श्रीलङ्का गरी नौ मुलुकका केन्द्रीय बैंक आबद्ध छन् । अन्तरदेशीय भुक्तानी कारोबारलाई व्यवस्थित र सहजीकरण गर्ने उद्देश्यले सन् १९७४ डिसेम्बरमा युनियन स्थापना भएको हो । प्रकाशित : जेष्ठ ११, २०७८ २०:३५ Share on Facebook Share on Twitter Share via Email प्रतिक्रिया पुरा नाम * ई-मेल * प्रतिक्रिया * पठाउनुहोस् अर्को समाचार संग्रह सेयर कुराकानी काठमाडौंका सीडीओ पराजुली भन्छन्- एक हप्ताका लागि खाद्यान्‍न खरिद गर्न त दुई दिन समय दिएकै छ नि ! 'संक्रमण दर घटिरहेको छैन, बिहान भीडभाड देखियो' जेष्ठ ११, २०७८जयसिंह महरा काठमाडौँ — काठमाडौं उपत्यकाका तीन जिल्लामा २० गते राति १२ बजेसम्म निषेधाज्ञा लम्बिएको छ । उपत्यकाका तीन जिल्लाका प्रमुख जिल्ला अधिकारीहरूको बैठकले जेठ १४ देखि २० गतेसम्मका लागि जारी गरेको लकडाउन अहिलेको भन्दा कडा पारिएको छ । मंगलबार बसेको तीन जिल्लाका प्रमुख जिल्ला अधिकारीको बैठकले जेठ १४ गतेदेखि २० गतेसम्म खाद्य पसलसमेत खोल्नमा रोक लगाउने निर्णय गरेको हो । तरकारी, फलफूल, मासु, डेरी, खानेपानी र ग्यास पसल भने बिहान ९ बजेसम्म खोल्न दिने निर्णय भएको छ । यसअघि जारी गरिएका सवारी पास खारेज गरिएको छ भने विकास निर्माणसँग सम्बन्धित सवारी सञ्चालनमा पनि रोक लगाइएको छ । जिल्ला प्रशासन कार्यालयले जारी गरेको आदेश उल्लंघन गरेमा कैद र जरिवारनासमेत गर्ने निर्णय भएको छ । खाद्यान्न पसल खोल्न नदिने र खोलेमा कैद र जरिवाना हुने आदेश जारी गरेपछि सर्वसाधारणमा भने भयको वातावरण सिर्जना भएको छ । निषेधाज्ञा कडा पार्नुको कारणबारे काठमाडौं जिल्लाका प्रमुख जिल्ला अधिकारी कालीप्रसाद पराजुलीसँगको कुराकानीः काठमाडौं उपत्यकाका तीन जिल्लाका प्रमुख जिल्ला अधिकारीहरूको बैठकले खाद्य पसल पनि बन्द गर्ने निर्णय गरेको हो ? एक हप्ताका लागि खाद्यान्न, किराना पसल र डिपार्टमेन्टल स्टोरसमेत बन्द गर्ने भन्ने निर्णय भएको छ । खाद्यान्न पसलसमेत बन्द गर्दा जनतामा असर पर्दैन ? तरकारी फलफूल पसल खोलिदिएको छ । एक हप्ताका लागि भोलि र पर्सी त किन्न पाउनुहुन्छ नि उहाँहरूले । एक हप्ताका लागि कति मान्छेको सञ्चय हुन्छ । नभए तत्कालै सञ्चय गर्नुपर्‍यो । तपाईंहरूले के को आधारमा यस्तो निर्णय लिनुभएको हो ? संक्रमण दर घटिरहेको छैन । बिहान भीडभाड देखियो । बिहानको भीडभाड रोक्नका लागि हो । तपाईंहरूको निर्णयपछि सामाजिक सञ्जालमा खाद्यान्नको जोहो कसरी गरिन्छ भन्ने प्रश्न उठिरहेका छन्, यी प्रश्नलाई कसरी लिनुभएको छ ? एक हप्ताका लागि खरिद गर्न भोलि र पर्सी त टाइम दिएकै छ नि ! १४ गतेदेखि लागू हुने गरेर निर्णय गरिएको हो । अब तरकारी पसल जुन बिग्रिने कुराका पसल खोल्दिएकै छ । दाल, चामल, तेल एक हप्ताका लागि सञ्चय गर्न सक्नुहुन्छ, भोलि र पर्सीमा खरिद गरेर राख्नुहुन्छ । एक हप्ताका लागि पुग्छ भनेर हामीले चेन ब्रेक (कोरोना संक्रमणको) गर्नका लागि निर्णय गरेको हो । निशेधाज्ञा त लगाउनुभयो कोरोना नियन्त्रणका लागि थप के काम गर्दै हुनुहुन्छ ? कोरोना नियन्त्रणको लागि स्वास्थ्य मन्त्रालयले पीसीआर गराउने, भेन्टिलेटरका काम गर्ने हो । यो अवस्थामा पनि खोपको काम त हामीले रोकेका छैनौं । स्वास्थ्य मन्त्रालयले पूर्वाधार तयार गर्ने काम गराइराखेको छ । आइसोलेसन सेन्टर बनाउने पीसीआर परीक्षण गर्ने काम त गरिराखेको हुन्छ । तपाईंहरूको जिम्मेवारी भनेको निशेधाज्ञा लगाउने र हिँड्‌डुल गर्न रोक्ने मात्रै हो ? स्वास्थ्य मन्त्रालयले गर्छ अरु कामहरू । सम्बन्धित समाचारः उपत्यकामा निषेधाज्ञा जेठ २० गतेसम्म थपियो, खाद्यान्‍न पसल पनि बन्द प्रकाशित : जेष्ठ ११, २०७८ २०:३१ पूरा पढ्नुहोस् Share on Facebook Share on Twitter Share via Email प्रतिक्रिया पुरा नाम * ई-मेल * प्रतिक्रिया * पठाउनुहोस् थप केही अर्थ / वाणिज्यबाट सुरक्षा कोषमा जान बैंकका कर्मचारी अनिच्छुक कान्तिपुर संवाददाता किसानले पाएनन् बीउ र मल सन्जु पौडेल, मनोज पौडेल छुटका नाममा झूट राजु चौधरी नेप्से ५६ अंकले बढ्यो, ११ अर्ब ३५ करोडको सेयर कारोबार कान्तिपुर संवाददाता प्रदेशहरूमा कतै बजेट छलफल सुरु, कतै अन्योल प्रदेश ब्युरो मंगलबार नेप्से परिसूचक र कारोबार रकम दुवै घटे कान्तिपुर संवाददाता विचार/विविधा विचार राजनीतिक प्रणालीमाथि दक्षिणपन्थी घात हरि रोका जेष्ठ २०, २०७८ राजनीतिज्ञ मात्र होइन, राजनीतिमा सामान्य रुचि राख्नेहरूमाझ प्रधानमन्त्री खड्गप्रसाद ओलीको सन्दिग्ध राजनीतिक चरित्र पर्दाफास भइसकेको छ । सामान्यतः पहिलो हुने जित्ने र समानुपातिकको मिश्रित निर्वाचन पद्धति... विचार चुरेलाई मृत्युदण्ड अर्थात् चन्द्रकिशोर जेष्ठ २०, २०७८ संघीय सरकारले आर्थिक वर्ष २०७८–७९ को बजेटमा ढुंगा, गिट्टी, बालुवा निकासी खोल्ने घोषणा गरेपछि, यसले चुरे क्षेत्रलाई मृत्युदण्ड दिएसरहको बुझाइ आमजनमा फैलिँदै छ । चुरे क्षेत्र... विचार ब्ल्याक फंगसप्रति सतर्क रहौं सम्पादकीय जेष्ठ २०, २०७८ कोरोना भाइरस संक्रमणको संकटले सताइरहेका बेला मुलुकमा ब्ल्याक फंगसको नामले चिनिने ‘म्युकोमाइकोसिस’ रोगका बिरामीसमेत देखिन थालेका छन् । आँखा, नाकलगायत अनुहारमा गम्भीर हानि पुर्‍याउने र ज्यानैसमेत... विचार बालुवामा हलुका निर्णय उत्तमबाबु श्रेष्ठ जेष्ठ १९, २०७८ २०७८ जेठ १५ मा अर्थमन्त्री विष्णु पौडेलले आर्थिक वर्ष २०७८–७९ को बजेट प्रस्तुत गरे । बजेटको बुँदा नं. १९९ — ‘वातावरणीय प्रभाव मूल्यांकनको आधारमा खानीजन्य... विचार बेताले अभिनेताका चर्तिकला सीके लाल जेष्ठ १९, २०७८ सर्वेसर्वा खड्गप्रसाद शर्मा ओलीको व्यावहारिक ज्ञान आफ्ना कुनै पनि समवयी व्यक्तिभन्दा कत्ति पनि कम छैन । उनको अद्भुत क्षमताको यथोचित पहिचान इतिहासविद् एवं नेपाल प्रज्ञा प्रतिष्ठानका... विचार संविधानमाथि बेइमानी खिमलाल देवकोटा जेष्ठ १९, २०७८ प्रतिनिधिसभा विघटन सम्बन्धमा सम्मानित सर्वोच्च अदालतको २०७७ फागुन ११ को फैसलाको मसी सुक्न नपाउँदै प्रधानमन्त्रीले फेरि हठात् प्रतिनिधिसभाको विघटन गरेका छन् । प्रतिनिधिसभाबाट प्रधानमन्त्री चयन हुने... विचार सधैं–सधैं अविस्मरणीय टीका धमला जेष्ठ १९, २०७८ आज जेठ १९ गते, राजा वीरेन्द्रको अकल्पनीय अस्त भएको दिन । नारायणहिटी दरबार हत्याकाण्डका बारे मलाई धेरैले सोधिरहन्छन् । त्यस्तो बेला एक मनले भन्छ, कति बयान दिइरहनु,... विचार ढुंगा–गिट्टी निकासी : सरकार, हलो काटेर मुंग्रो नबनाऊ सम्पादकीय जेष्ठ १९, २०७८ सरकारले आर्थिक वर्ष २०७८–७९ को बजेटमार्फत गरेको देशको बालुवा, गिट्टी, ढुंगा निकासी फुकुवाको घोषणा आपत्तिजनक मात्र होइन, सरासर राष्ट्रघाती नै छ । देशभित्रका पूर्वाधार निर्माण र... विचार चारैतिर चीनको त्रिशूल महेन्द्र पी‍. लामा जेष्ठ १८, २०७८ त्रिशूलका तीन तीखा काँटाहरू एउटा सिंगो फलामको डन्डामा थामिएका हुन्छन् । यी तीखा काँटाहरूलाई जस्तै अर्थ दिए पनि हुन्छ । कसैले धार्मिक, कसैले सांस्कृतिक अनि कसैले कुनै... विचार नयाँ जंगेको ‘गनतन्त्र’ राजेन्द्र महर्जन जेष्ठ १८, २०७८ नयाँ युग, नयाँ व्यवस्था र नयाँ सपनाका रूपमा स्थापित गणतन्त्र दिवस सेनाको मुख्यालयमा मनाइएको दृश्यले के संकेत गर्छ ? लोकतान्त्रिक गणतन्त्रलाई दलतन्त्रमा, दलतन्त्रलाई पनि ओलीतन्त्रमा खुम्च्याउँदै... तथ्यांकमा कोभिड - १९ [अपडेट] विश्वमा संक्रमित १६९,४८७,३८९ निको १,०२,५६४,५७९ मृत्यु ३,५२३,५०६ नेपालमा संक्रमित ५७१,१११ निको ४६१,५६३ मृत्यु ७,५५५ अपडेटः शनिबार, १५ जेठ, २०७८ । १७ :२५ बजे स्रोत : coronavirus.jhu.edu / WHOविस्तृतमा हेर्नुहोस् » कान्तिपुरका स्तम्भहरु १३औं साग खेलकुदहेलो शुक्रबारहाम्रो नेपालमास्वास्थ्यस्थानीय निर्वाचन २०७४सुदूरपश्चिमसाहित्य/विविधसम्पादकलाई चिठीसमाचारविश्वविविधाविज्ञान र प्रविधिविचारवाग्मतीलुम्बिनीरोचकमनोरञ्जनभिडियोब्लगबजारफोटोफिचरफिचरफड्कोप्रिन्ट संस्करणप्रवासप्रदेश २प्रदेश १प्रतिनिधिसभा र प्रदेशसभा निर्वाचन २०७४नारी नेपालीदसैं विशेषजीवनशैलीगन्तब्यगण्डकीखेलकुदक्रिकेट विश्वकप - २०१९कोसेलीकोपिलाकुराकानीकलाकर्णालीउपत्यकाअर्थ / वाणिज्यअन्य हाम्रो बारेमा यो वेबसाइट कान्तिपुर राष्ट्रिय दैनिकको आधिकारिक न्युज पोर्टल हो । नेपाली भाषाको यो पोर्टलले समाचार, विचार, मनोरञ्जन, खेल, विश्व, सूचना प्रविधि, भिडियो तथा जीवनका विभिन्न आयामका समाचार र विश्लेषणलाई समेट्छ। पूरा पढ्नुहोस् » उपयोगी लिंकहरु विज्ञापन - पत्रिका सल्लाह सुझाव सम्पर्क गर्नुहोस् Play StoreApp Store सम्पर्क ठेगाना कान्तिपुर पब्लिकेसन्स (प्रा.) लि. सेन्ट्रल बिजनेस पार्क, थापाथली काठमाडौं, नेपाल +९७७-०१-५१३५००० +९७७-०१-५१३५००१ हाम्रा अन्य प्रकाशनहरु Kantipur TVThe Kathmandu PostRadio KantipursaptahikNepalNari ©